బహిరంగ ప్రదేశాలలో చెత్తవేస్తే చర్యలు: కమిషనర్

బద్వేలులోని ఆయా షాపుల యజమానులు చెత్తను షాప్ ల ముందు వేయకుండా చెత్తసేకరణ వాహనాలు, డస్ట్ బిన్లలో మాత్రమే వేయాలని మున్సిపల్ కమిషనర్ వి. నరసింహారెడ్డి సూచించారు. శుక్రవారం ఆయన పుర ప్రజలతో మమేకమై పారిశుద్ధ్య పనులు పర్య వేక్షిస్తూ షాపుల యజమానులకు, పారిశుద్ధ్య సిబ్బందికి పలు సూచనలు చేశారు. ఈ నిబంధన అతిక్రమించిన వారికి జరిమానా తప్పదన్నారు. షాపుల నిర్వాహకులు కూడా మున్సిపాలిటీ పరిశుభ్రతకు సహకరించాలని కోరారు.