పుచ్చలపల్లి సుందరయ్య సేవలను ఆదర్శంగా తీసుకోవాలి

బడుగు బలహీన వర్గాల కోసం అసెంబ్లీ వేదికగా పోరాటం చేసిన మహనీయులు పుచ్చలపల్లి సుందరయ్య సిపిఎం పార్టీ నాయకులు నాగేశ్వర్ అన్నారు. గురువారం పుచ్చలపల్లి సుందరయ్య వర్ధంతి సందర్భంగా పార్టీ కార్యాలయంలో వర్ధంతి కార్యక్రమాలు నిర్వహించారు. ఈ సందర్భంగా ఆయన మాట్లాడుతూ నేటితరం బూర్జువా పార్టీలు పుచ్చలపల్లి సుందరయ్య ప్రజల కోసం తీసుకున్న నిర్ణయాలను ఆదర్శంగా తీసుకోవాలన్నారు. ప్రజా శ్రేయస్సు కోసం పదవులను తృణప్రాయంగా వదిలేసిన వ్యక్తి సుందరయ్య అన్నారు. భారత కమ్యూనిస్టు పార్టీ క్షేత్రస్థాయిలో ఆయన చేసిన కృషి ఎవరో మరిచిపోలేనని ఈ సందర్భంగా ఆయన సేవలను కొనియాడారు.