4 కిలోల గంజాయి స్వాధీనం

కంచరపాలెం పోలీస్ స్టేషన్ పరిధిలో ఆదివారం సాయంత్రం నాలుగు కిలోల గంజాయిని పోలీసులు స్వాధీనం చేసుకున్నారు. ఆర్పి పేట వంతెన వద్ద తనిఖీలు నిర్వహిస్తుండగా గంజాయి తరలిస్తున్న ఇద్దరు వ్యక్తులను పోలీసులు అదుపులోకి తీసుకున్నారు. వారి నుంచి నాలుగు కిలోల గంజాయిని స్వాధీనం చేసుకుని కేసు నమోదు చేసి దర్యాప్తు చేస్తున్నారు. ముందుగా అందిన సమాచారం మేరకు దాడులు నిర్వహించామని పోలీసులు చెప్పారు.