పెదబయలు: సొంతంగా రహదారి నిర్మాణం చేసుకుంటున్న గిరిజనులు

పెదబయలు మండలంలోని బొంగరం పంచాయతీ పరిధి అమీడేలు గ్రామానికి రహదారి నిర్మాణం చేపట్టాలని గిరిజనులు డిమాండ్ చేస్తున్నారు. 2 నెలల క్రితం కురిసిన భారీవర్షాలకు కొట్టుకుపోయిన రహదారికి నిర్మాణం చేపట్టాలని అధికారులకు ఎన్నోసార్లు విన్నవించిన పట్టించుకోకపోవడంతో గ్రామ గిరిజనులంతా కలిసి సొంతంగా రహదారికి నిర్మాణం చేపట్టారు. ఇప్పటికైనా అధికారులు స్పందించి రహదారి నిర్మాణం చేపట్టి తమ కష్టాలు తీర్చాలని సోమవారం కోరారు.