ఎస్. రాయవరం: భక్తి శ్రద్దలతో వెంకన్న కళ్యాణోత్సవం
మండల కేంద్రమైన ఎస్. రాయవరంలో శ్రీ వైభవ వేంకటేశ్వర స్వామి వార్షిక కళ్యాణం శుక్రవారం సాయంత్రం భక్తుల సమక్షంలో అత్యంత వైభవంగా నిర్వహించారు. ఈ సందర్భంగా శ్రీదేవి, భూదేవి సమేత వేంకటేశ్వరస్వామి వారి తిరువీధి సేవ నిర్వహించారు. 20వ తేదీ నుండి పలు కార్యక్రమాలు ప్రారంభించినట్లు ఆలయ ధర్మకర్త బి. గోవిందరావు తెలిపారు. 23వ తేదీన చక్రస్నానం, ఉంజ్జల సేవ, అన్న సమారాధన నిర్వహించడానికి ఏర్పాట్లు చేయడం జరిగిందని ఆయన తెలిపారు.
