వైఎస్ఆర్ ఆసరా మహిళల జీవితాల్లో వెలుగు నింపుతుంది...

వైయస్సార్ ప్రభుత్వం మహిళల పక్షపాత ప్రభుత్వమని వైయస్ఆర్ సీపీ నాయకులు కోరాడ కోటి నాయుడు అన్నారు. వైయస్సార్ ఆసరా కార్యక్రమం ప్రారంభోత్సవం సందర్భంగా జొన్నాడ సచివాలయంలో ఏర్పాటు చేసిన కార్యక్రమంలో ఆయన పాల్గొన్నారు. ముందుగా ముఖ్యమంత్రి జగన్మోహన్ రెడ్డి వైఎస్ఆర్ ఆసరా కార్యక్రమం ప్రారంభోత్సవ దృశ్యాన్ని మహిళా సంఘ సభ్యులతో కలిసి వీక్షించారు. ఈ సందర్భంగా ఆయన మాట్లాడుతూ జగన్ మోహన్ రెడ్డి ముఖ్యమంత్రిగా ప్రమాణస్వీకారం చేసిన తర్వాత మహిళలకు సంబంధించి అనేక సంక్షేమ కార్యక్రమాలు చేపట్టారన్నారు.

చరిత్రలో ఇటువంటి ముఖ్యమంత్రినీ గతంలో చూడలేదన్నారు. అనేక సంక్షేమ కార్యక్రమాలు చేపడుతున్న ముఖ్యమంత్రి జగన్మోహన్ రెడ్డికి జొన్నాడ గ్రామపంచాయతీ తరపున ప్రత్యేక కృతజ్ఞతలు తెలియజేశారు. తానెప్పుడూ జొన్నాడ గ్రామ పంచాయతీ అభివృద్ధికి కట్టుబడి ఉంటానన్నారు. శాసనసభ్యులు బడ్డుకొండ అప్పలనాయుడు గారి సహకారంతో గ్రామాభివృద్ధికి కృషి చేస్తానన్నారు. ఈ కార్యక్రమంలో నాయకులు మురళి, అప్పన్న, పైడి నాయుడు, భాస్కర్ రావు, గ్రామైక్య సంఘ సభ్యులు, పంచాయతీ కార్యదర్శి బంగార్రాజు, సచివాలయ సిబ్బంది, గ్రామ వాలంటీర్లు పాల్గొన్నారు