నెల్లిమర్ల: నేడు విద్యుత్ సరఫరా నిలిపివేత

నెల్లిమర్ల మండలంలోని అలుగోలు రూరల్ ఫీడర్ పరిధిలో వ్యవసాయ విద్యుత్ లైన్లకు మరమ్మతులు చేపట్టనున్న నేపథ్యంలో శనివారం ఉదయం పది గంటల నుంచి సాయంత్రం ఐదు వరకు విద్యుత్ సరఫరా నిలిపివేయనున్నట్లు ఆ శాఖ డీఈఈ పి.త్రినాథ రావు శుక్రవారం ఒక ప్రకటనలో తెలిపారు. అలుగోలు, కొత్తూరు, పల్లిపేట, జోగిరాజుపేట, గుషిణి, బర్లపేటతో పాటు గుర్ల మండలంలోని రాగోలు గ్రామానికి సరఫరా ఉండదని, వినియోగదారులు సహకరించాలని కోరారు.