జామి: వేణుగోపాలస్వామి ఆలయంలో ఆకాశదీపం ఏర్పాటు

గ్రామీణ ప్రాంతాల్లో కార్తీకమాస శోభ ఉట్టిపడుతోంది. ఈ నేపథ్యంలో క్షీరాబ్ధి ద్వాదశి సందర్భంగా బుధవారం రాత్రి జామి మండలం అన్నమరాజుపేట గ్రామంలో గల వేణుగోపాలస్వామి ఆలయంలో ఆకాశ దీపం వెలిగించే కార్యక్రమాన్ని వైభవంగా నిర్వహించారు. ఈ సందర్భంగా ఆలయంలో స్వామివారికి మహిళలు ప్రత్యేక పూజలు, అభిషేకాలు నిర్వహించారు. భక్తులు అధిక సంఖ్యలో పాల్గొని ఆలయ ప్రాంగణంలో దీపారాధన చేసి స్వామివారిని దర్శించుకుని తరించారు.