పిచ్చాటూరు: హనుమతీశ్వర స్వామి ఆలయంలో ఆంజనేయస్వామి ప్రత్యేక పూజలు

పిచ్చాటూరు మండలం, సిద్దిరాజు కండ్రిగ గ్రామంలోని హనుమతీశ్వర స్వామి దేవాలయంలో మంగళవారం ఆంజనేయస్వామి వారికి ప్రత్యేక పూజలు నిర్వహించారు. స్వామి వారికి అభిషేకం, వడమాలలు సమర్పించి, నైవేద్యం, కర్పూర నీరాజనాలు సమర్పించారు. రవి స్వామి ఆధ్వర్యంలో హనుమాన్ చాలీసా పారాయణం నిర్వహించగా, ధర్మకర్త జ్యోతి కుమార్ ప్రసాదం పంపిణీ చేశారు. గ్రామస్థులు అధిక సంఖ్యలో పాల్గొన్నారు.