తాడిపత్రి మండలంలో మేస్త్రీపై దాడి

తాడిపత్రి మండలం వెలమకూరు గ్రామంలో శనివారం మేస్త్రీ షేకన్నపై ఇంటి యజమాని రాము దాడి చేశాడని పోలీసులు తెలిపారు. వజ్రకరూరు మండలం కొనకండ్లకు చెందిన షేకన్నతో ఇంటి నిర్మాణం విషయంలో మనస్పర్థలు రావడంతో దాడి చేశాడు. గాయపడ్డ మేస్త్రీని తాడిపత్రి ప్రభుత్వాస్పత్రికి తరలించారు. అతడిని భవన నిర్మాణ సంఘం జిల్లా అధ్యక్షుడు ఆంజనేయులు పరామర్శించారు.