ఇంటర్ విద్యార్థులకు ఉచితంగా పుస్తకాలు పంపిణీ

ప్రకాశం జిల్లా పెద్దారవీడు మండలంలోని ప్రభుత్వ జూనియర్ కళాశాల ఆవరణలో సోమవారం కళాశాల ప్రిన్సిపాల్ షేక్ భాష ఆధ్వర్యంలో ఫ్రెండ్స్ ఫర్ యు ఫౌండేషన్ వారు ఇంటర్ మొదటి, రెండవ సంవత్సర విద్యార్థులకు ఉచితంగా పాఠ్య పుస్తకాలను, పెన్నులను పంపిణీ చేశారు. ఈ సందర్భంగా ప్రిన్సిపాల్ భాష మాట్లాడుతూ.. విద్యార్థులందరూ బాగా కష్టపడి , ఇష్టపడి చదివి కళాశాలకు , తల్లిదండ్రులకు , అధ్యాపకులకు మంచి పేరు తేవాలని సూచించారు. ఫౌండేషన్ సభ్యురాలు భవాని మాట్లాడుతూ.. ప్రభుత్వ కళాశాల విద్యార్థులు బాగా చదవాలని విద్యాభివృద్ధికి మేము మీకు సహకరిస్తామని , అండగా ఉంటామని తెలిపారు. ఈ కార్యక్రమంలో ఫౌండేషన్ సభ్యులు పాణ్యం భవాని , కే వి నారాయణ , బి కళ్యాణ్ రెడ్డి , సి హెచ్ సాయిరెడ్డి , ఎం బాబు , కళాశాల అధ్యాపకులు జి షాలేము రాజు , సి హెచ్ శ్రీధర్ , బత్తుల గాలేయ్య , వెంకటయ్య , సాలేహా తదితరులు పాల్గొన్నారు.