నారాయణస్వామికి ప్రత్యేక పూజలు

మండలంలోని మిట్టపాలెం శ్రీ నారాయణ స్వామి ఆలయంలో ఆదివారం భక్తులు తెల్లవారుజామున నుంచే ప్రత్యేక పూజా కార్యక్రమాలు, అభిషేకాలు చేశారు. స్వామివారికి ప్రీతికరమైన రోజు ఆదివారం కావడంతో నారాయణస్వామిని దర్శించుకొని భక్తులు తమ మొక్కుబడులను తీర్చుకున్నారు. గోమాతకు పూజా కార్యక్రమాలను నిర్వహించారు. ఆలయ పూజారులు భక్తులను ఆశీర్వదించారు. అనంతరం దేవస్థాన కమిటీ వారు భక్తులకు తీర్థ ప్రసాదాలను అందజేశారు.