గిద్దలూరు: ఏటీఎం కేంద్రంలో చోరీకి యత్నం

గిద్దలూరు పట్టణంలోని కృష్ణ థియేటర్ సమీపంలో ఉన్న స్టేట్ బ్యాంక్ ఆఫ్ ఇండియా ఏటీఎం కేంద్రంలో మంగళవారం అర్ధరాత్రి తర్వాత ఓ అపరిచిత వ్యక్తి చోరీకి యత్నించాడు. ఏటీఎం మిషన్ లో నగదు కాజేసేందుకు ప్రయత్నిస్తుండగా స్థానికులు గుర్తించి పోలీసులకు సమాచారం ఇచ్చారు. పోలీసులు దొంగను అదుపులోకి తీసుకొని స్థానిక పోలీస్ స్టేషన్ కు తరలించారు. ఈ ఘటనపై కేసు నమోదు చేసుకుని దర్యాప్తు చేస్తున్నామని సీఐ తెలిపారు.