వేపాడ: మండలంలో విద్యా దినోత్సవం వేడుకలు
వేపాడ మండలం సోంపురం హైస్కూల్లో హెచ్ఎం బి పి ఏ రాజు ఆధ్వర్యంలో సోమవారం విద్యా దినోత్సవం కార్యక్రమాన్ని నిర్వహించారు. ముందుగా భారత ప్రథమ విద్యాశాఖ మంత్రి మౌలానా అబుల్ కలాం ఆజాద్ చిత్రపటానికి పూలమాలవేసి నివాళులు అర్పించారు. అనంతరం విద్యార్థులకు విద్యా ఆవశ్యకత అంశంపై వక్తృత్వ పోటీలు నిర్వహించి విజేతలకు బహుమతులు ప్రధానం చేశారు. కార్యక్రమంలో ఉపాధ్యాయులు తదితర సిబ్బంది పాల్గొన్నారు.
