గంట్యాడ మండలం ఎగువ కొండపర్తిలోని వైకుంటగిరి అనంత వెంకటేశ్వర స్వామి దేవాలయానికి వెళ్ళి వస్తున్న బొలెరో వాహనం ఆదివారం బోల్తా పడింది. ఈ ప్రమాదంలో ఒకరు మృతి చెందగా.. 14మందికి తీవ్ర గాయాలయ్యాయి. గాయపడిన వారిని శృంగవరపుకోట ప్రభుత్వాసుపత్రికి తరలించారు. గాయాలపాలైన వారు కొత్తవలస మండలం గనిశెట్టిపాలెం గ్రామానికి చెందిన వారుగా గుర్తించారు. ఈ సంఘటనపై ఎస్ కోట పోలీసులు కేసు నమోదు చేసి దర్యాప్తు చేస్తున్నారు.