ఎస్ కోట నుండి విజయనగరం వెళ్లే ప్రయాణికులకు ముఖ్య గమనిక

ఆర్టీసీ ప్రధాన కార్యాలయం ఆదేశాల మేరకు ఎస్. కోట నుండి తాటిపూడి, ధర్మవరం మీదుగా విజయనగరం వెళ్లే ప్రయాణికులకు అదనంగా 10 రూపాయలు ఆర్టీసీ చార్జి పెంచుతున్నట్లు డిపో మేనేజర్ కే రమేష్ ఆదివారం ఓ ప్రకటనలో తెలిపారు. గంట్యాడ మండలంలో నూతనంగా టోల్గేట్ ఏర్పాటు నేపథ్యంలో టోల్గేట్ చార్జీలు చెల్లించే దృష్ట్యా ఈ నిర్ణయం తీసుకున్నట్లు చెప్పారు. ప్రయాణికులు గమనించి సహకరించగలరని కోరారు.