ఎమ్మిగనూరు: ఘోర రోడ్డు ప్రమాదంలో ఇద్దరు మృతి
ఎమ్మిగనూరు నియోజకవర్గంలోని నందవరం మండలం ధర్మాపురం హైవేపై ఆదివారం రాత్రి ఘోర రోడ్డు ప్రమాదం సంభవించింది. ఎదురెదురుగా వస్తున్న 2 బైక్ లు ఢీకొన్న ఘటనలో ఇద్దరు యువకులు అక్కడికక్కడే మృతి చెందారు. ఈ ప్రమాదంలో మరొకరికి తీవ్ర గాయాలయ్యాయి. మృతుల్లో ఒకరు పెద్దకడబురు మండలం జాలవాడికు చెందిన దావీదు, మరొకరు ఎమ్మిగనూరుకు చెందిన ఇర్ఫాన్ గా గుర్తించారు. ఘటనపై పోలీసులు కేసు నమోదు చేసుకొని దర్యాప్తు చేస్తున్నారు.
