పత్తికొండ: నాటుసారా తయారీ వారికి బెల్లం విక్రయించొద్దు

నాటుసారా తయారుచేసే వారికి బెల్లం విక్రయిస్తే కఠిన చర్యలు తప్పవని పత్తికొండ ప్రొహిబిషన్ అండ్ ఎక్సైజ్ సీఐ డి. విశ్వేశ్వరరావు హెచ్చరించారు. ఎక్సైజ్ కమిషనర్ ఆదేశాలతో శుక్రవారం పత్తికొండలో ఆయన బెల్లం వ్యాపారులతో మాట్లాడారు. ఒక వ్యక్తికి 3 కేజీల కన్నా మించి బెల్లం విక్రయించవద్దని సూచించారు. నిబంధనలను ఉల్లంఘించిన వారిపై చర్యలు తీసుకుంటామని తెలిపారు. ఎక్సైజ్ ఎస్సై సాయిప్రవీణ్, సిబ్బంది పాల్గొన్నారు.