ఆళ్లగడ్డ: అహోబిలం అటవీ మార్గంలో కారును ఢీకొన్న పెద్దపులి
ఆళ్లగడ్డ: దిగువ అహోబిలం పరిధిలోని ధర్మారెడ్డి పొలం సమీపంలో బుధవారం ఓ అటవీ ప్రాంతం నుంచి పెద్దపులి కోతులను వెంబడించుకుంటూ రోడ్డు మీదకు చేరుకుంది. అయితే అదే సమయంలో ఎగువ అహోబిలం వెళుతున్న ఓ కారును పెద్దపులి బలంగా ఢీకొనడంతో గాయాలపాలైంది. దీంతో కారులో ఉన్నవారు ఒక్కసారిగా భయాందోళనకు గురయ్యారు. అయితే గాయపడిన పెద్దపులి వెంటనే సమీప పొదల్లోకి చేరుకుంది. అటవీ అధికారులు సంఘటనా స్థలానికి చేరుకుని దర్యాప్తు చేస్తున్నారు.
