పత్తికొండలో ప్రారంభమైన శ్రీ భంభం స్వామి ఉరుసు మహోత్సవం

పత్తికొండ పట్టణంలోని చెరువు కొండపై వెలసిన శ్రీ భంభం స్వామి వారి ఉరుసు మహోత్సవం సోమవారం ఘనంగా ప్రారంభమయ్యాయి. భక్తులు, దర్గా నిర్వాహకులు సోమవారం ఉదయం స్వామివారి సన్నిధిలో గంధం కార్యక్రమం నిర్వహించారు. ఈ సందర్భంగా వారు మాట్లాడుతూ. మే 16వ తేదీన ఉరుసు మహోత్సవం అదే రోజు సాయంత్రం అన్నదాన కార్యక్రమం నిర్వహిస్తున్నామని, 17 న జియారత్ ఫాతిహాలు ఉంటాయని తెలిపారు. భక్తులు పెద్ద ఎత్తున తరలిరావాలని కోరారు. కార్యక్రమంలో దర్గా నిర్వాహకులు ఖాసిం వలి, హసన్ పటేల్, ఫక్రుద్దీన్, గారింటి మాబు, నూర్ భాషా తదితరులు పాల్గొన్నారు.