పత్తికొండలో భక్తిశ్రద్ధలతో మొహరం వేడుకలు

పత్తికొండ పట్టణంలోని పీర్ల మసీదుల వద్ద శుక్రవారం భక్తిశ్రద్ధలతో మొహరం వేడుకలను ప్రజలు జరుపుకున్నారు. శుక్రవారం మొహరం పండుగ పెద్ద సరిగెత్తును పురస్కరించుకొని పీర్లకు పూలమాలలు వేసి ప్రత్యేక ఫాతేహాలు నిర్వహించారు. పీర్ల మసీదులను విద్యుత్ కాంతులతో అలంకరించారు. భక్తులు పెద్ద ఎత్తున తరలివచ్చి మొక్కులు చెల్లించుకున్నారు. శనివారం రోజు షహదాత్ కార్యక్రమాలు నిర్వహించనున్నట్లు పీర్ల మసీదు ముజావర్లు తెలిపారు.