పత్తికొండలో ఘనంగా మెకానిక్‌ల దినోత్సవం

పత్తికొండ పట్టణంలో సోమవారం ఘనంగా పత్తికొండ టూ వీలర్ వర్కర్స్ వెల్ఫేర్ అసోసియేషన్ సభ్యులు ఘనంగా మెకానిక్ దినోత్సవం నిర్వహించారు. ఈ సందర్భంగా స్థానిక ఆర్ అండ్ బి గెస్ట్ హౌస్ నుండి ర్యాలీ నిర్వహించారు. ఆర్డీఓ ఆఫీస్ చేరుకున్న అసోసియేషన్ సభ్యులంతా ఆర్డీఓ మోహన్ దాస్ కు వినతిపత్రం అందించారు. గుర్తింపు కలిగి 55 సంవత్సరాలు పూర్తయిన మెకానికులకు రాష్ట్ర ప్రభుత్వం ప్రతినెల 3 వేల రూపాయలు పెన్షన్ అందివ్వాలని, మెకానికులకు ఏదైనా ప్రమాదం సంభవిస్తే ప్రభుత్వం భీమా, వైద్య సదుపాయం కల్పించి ఆ కుటుంబాలను ఆదుకోవాలని కోరారు. కార్యక్రమంలో పత్తికొండ టూ వీలర్ వర్కర్స్ వెల్ఫేర్ అసోసియేషన్ ప్రెసిడెంట్ రసూల్, వైస్ ప్రెసిడెంట్ హనీఫ్, సెక్రటరీ విక్రమ్, జాయింట్ సెక్రెటరీ రమేష్, అయుబ్, జిలాన్ తదితరులు పాల్గొన్నారు.