రాజనగరం: రోడ్డు ప్రమాదంలో వ్యవసాయ కూలీ మృతి

రాజనగరం మండలం, తూర్పుగానుగూడెం వద్ద జాతీయ రహదారిపై శనివారం జరిగిన రోడ్డు ప్రమాదంలో సీతారామపురానికి చెందిన వ్యవసాయ కూలీ తామర్ల నారాయణ (66) మృతి చెందాడు. రామస్వామిపేటకు బైకుపై వెళ్లి తిరిగి వస్తున్న సమయంలో తూర్పుగానుగూడెం వద్ద రోడ్డు మలుపు తిరుగుతుండగా, మురారి వైపు నుంచి వస్తున్న కారు ఢీకొనడంతో నారాయణ అక్కడికక్కడే మృతి చెందాడు. రాజనగరం ఎస్సై మనోహర్ కేసు నమోదు చేసి దర్యాప్తు చేస్తున్నారు.