శివుడు, నంది విగ్రహాలు బహుకరించిన ఎమ్మెల్యే

సామర్లకోట గాంధీబొమ్మ సెంటర్లో ఇన్న ఒక చిన్న శివాలయానికి పెద్దాపురం ఎమ్మెల్యే నిమ్మకాయల చిన రాజప్ప శివుడు, నంది విగ్రహాలను బహుకరించారు. తెలుగుదేశం పార్టీ మాజీ యువత అధ్యక్షులు, మాజీ కౌన్సిలర్ చుండ్రు బాలరామ్ గాంధీబొమ్మ సెంటర్లోని మారేడు చెట్టు క్రింది భాగంలో శివుని చిత్రపటం ఏర్పాటు చేసి ఏళ్ళ తరబడి నిత్యం పూజలు చేపడుతున్న విషయం తెలిసిందే. అయితే మాజీ కౌన్సిలర్ బాలరామ్ భక్తి నిరతిని గుర్తించిన ఎమ్మెల్యే చిన రాజప్ప శివుని పూజలకోసం ప్రత్యేకంగా తయారు చేయించిన శివుడు, నంది విగ్రహాలను ఆలయానికి శనివారం అందజేశారు.