లారీ కింద పడి మహిళ మృతి

కడప జిల్లా ఎర్రగుంట్ల మండలంలోని వేంపల్లి రోడ్డులో ఉన్న జువారి సిమెంట్ ఫ్యాక్టరీ క్రాసింగ్ వద్ద ఆదివారం లారీ కింద పడి మహిళ మృతి చెందిన సంఘటన చోటుచేసుకుంది. పోలీసులు తెలిపిన వివరాల మేరకు ఇలా ఉన్నాయి. మృతురాలు కోడూరు గ్రామానికి చెందిన బొందలకుంట వెంకటమ్మ (48) భర్త శ్రీనివాసులుతో కలిసి ఆరోగ్యం సరిగా లేకపోవడంతో ఎర్రగుంట్ల ఆసుపత్రికి ద్విచక్ర వాహనంలో వెళుతున్న సమయంలో ఎదురుగా వస్తున్న మరో ద్విచక్ర వాహనాన్ని ఢీకొనగా ఆ సమయంలో ద్విచక్ర వాహనం నుండి వెంకటమ్మ కింద పడడంతో అటుగా వస్తున్న లారీ వెంకటమ్మ పైకి ఎక్కడంతో ఆమె అక్కడికక్కడే మృతి చెందినట్లు వారు తెలిపారు. ఈ ప్రమాదంలో మరో ద్విచక్ర వాహనదారునికి స్వల్ప గాయాలయ్యాయి. దీనిపై పూర్తి వివరాలు తెలియాల్సి ఉంది.