ఎరువుల దుకాణాలను తనిఖీ చేసిన ఏవో

కొరిశపాడు మండలం మేదరమెట్లలోని పలు ఎరువులు, పురుగుల మందుల దుకాణాలను శనివారం ఏవో శ్రీనివాసరావు ఆకస్మికంగా తనిఖీ చేశారు. దుకాణంలోని రికార్డులను ఆయన పరిశీలించారు. పురుగు మందులు, ఎరువులు కొనుగోలు చేసిన రైతులకు తప్పనిసరిగా రసీదును ఇవ్వాలని ఆయన దుకాణదారులకు సూచించారు. నిర్దేశించిన ధరలకే రైతులకు అమ్మకాలు జరపాలని ఏవో శ్రీనివాసరావు తెలియచేశారు.