నూజివీడు: అక్రమంగా మద్యం విక్రయిస్తున్న వ్యక్తి అరెస్ట్

నూజివీడు పోలీస్ సర్కిల్ పరిధిలోని ఆగిరిపల్లి గ్రామంలో అక్రమ మద్యం సీసాలు కలిగిన వ్యక్తిని శనివారం పోలీసులు అరెస్ట్ చేశారు. అతడిని గ్రామానికి చెందిన రాంబాబు అనే వ్యక్తిగా పోలీసులు గుర్తించారు. అతడి వద్ద నుంచి 11 అక్రమ మద్యం సీసాలను స్వాధీనం చేసుకున్నట్లు ఎస్సై శుభశేకర్ తెలిపారు. అనంతరం ఆయన మాట్లాడుతూ.. బెల్ట్ షాపులు నిర్వహిస్తే కఠిన చర్యలు తీసుకుంటామని హెచ్చరించారు.