రోడ్డు ప్రమాదంపై పోలీసులు కేసు నమోదు

రోడ్డు ప్రమాదంపై తడికలపూడి పోలీసులు బుధవారం కేసు నమోదు చేశారు. కొండగూడేనికి చెందిన కర్రిపోతు ఆనంద్, మరో వ్యక్తి కలిసి ద్విచక్ర వాహనంపై కామవరపుకోటకు వెళుతుండగా మార్గమధ్యలో అతివేగంగా వచ్చిన ఆర్టీసీ బస్సు వారిని వెనుక నుంచి ఢీకొట్టింది. ఈ ఘటనలో ఆనంద్ కు గాయం కాగా స్థానికులు అతడిని ఏలూరులోని ఓ ప్రైవేటు ఆసుపత్రికి తరలించారు. బాధితుడి తండ్రి దుర్గారావు ఫిర్యాదు మేరకు కేసు నమోదు చేశారు.