సామర్లకోట: రోడ్డు ప్రమాదంలో మహిళ మృతి
కాకినాడ జిల్లా సామర్లకోట మండలం మాదవపట్నం - వికేరాయపురం మార్గమధ్యలో ఆదివారం ఉదయం బైక్ పై వెళ్తున్న భార్య భర్తలు రోడ్డుపై ఉన్న గుంతపై నుంచి బైక్ వెళ్లడంతో ఆదిలక్ష్మి (60) తూలి కింద పడ్డారు. తలకు తీవ్ర గాయాలై ఆమె అక్కడికక్కడే మృతి చెందారు. జార్జ్ పేట నుండి పెద్దాపురంకు వెళ్తుండగా ఈ ప్రమాదం జరిగింది. భార్య మృతి చెందడంతో భర్త రోధిస్తున్న తీరు కలచివేసింది. పోలీసులు కేసు నమోదు చేసి దర్యాప్తు చేస్తున్నారు.
