ఉరవకొండ: కూడేరు వద్ద రోడ్డు ప్రమాదంలో ఇద్దరు మృతి
కూడేరు మండలం శివరాంపేట మలుపు వద్ద సోమవారం జరిగిన రోడ్డు ప్రమాదంలో ముగ్గురు యువకులు గాయపడిన విషయం తెలిసిందే. వీరిలో నెల్లూరుకు చెందిన వినోద్ అనంతపురం ప్రభుత్వ ఆసుపత్రిలో చికిత్స పొందుతూ మృతి చెందగా, ఆత్మకూరు మండలం సింగపల్లి గ్రామానికి చెందిన అశోక్ ను బెంగళూరుకు తరలిస్తుండగా మార్గ మధ్యలో మృతి చెందాడు. కూడేరుకు చెందిన దామోదర అనే వ్యక్తికి స్వల్ప గాయాలయ్యాయి. ఇద్దరు మంగళవారం మరణించగా పోలీసులు కేసు నమోదు చేశారు.
