ప్రొద్దుటూరు: తుమ్మెద పదాలు పుస్తకావిష్కరణ సభ

ప్రొద్దుటూరు అనిబిసెంట్ మున్సిపల్ హైస్కూల్ ఆవరణలోని పుట్టపర్తి నారాయణాచార్య ప్రథమశ్రేణి శాఖ గ్రంథాలయంలో ఆదివారం ఉదయం 10. 30 గంటలకు తుమ్మెద పదాలు పుస్తకావిష్కరణ సభ ఉంటుందని నిర్వాహకులు తెలిపారు. కాశీవరపు వెంకటసుబ్బయ్య రచించిన తుమ్మెద పదాలు పుస్తకావిష్కరణ సభను చైతన్య సాహిత్య కళావేదిక ఆధ్వర్యంలో నిర్వహించనున్నట్లు వారు పేర్కొన్నారు. ప్రముఖ అవధాని, కవి నరాల రామారెడ్డి సభకు అధ్యక్షత వహిస్తారన్నారు.