చెన్నూరు: ఘనంగా కార్తీక మాస పూజలు

చెన్నూరు మండల కేంద్రంలోని శ్రీ మల్లేశ్వర స్వామి ఆలయంలో (శివాలయంలో) సోమవారం కార్తీకమాస పూజలు ఘనంగా నిర్వహించారు. ఆలయ అర్చకులు ఆధ్వర్యంలో తెల్లవారుజామున నుంచే అర్చనలు, అభిషేకాలు నిర్వహించారు. భక్తులు అధిక సంఖ్యలో హాజరై స్వామివారిని దర్శించుకున్నారు. ఆలయ ప్రాంగణంలో చిన్నారులచే సాంస్కృతిక కార్యక్రమాలు నిర్వహించారు. ఆలయ కమిటీ ప్రతినిధుల ఆధ్వర్యంలో భక్తులకు అల్పాహారం ఏర్పాటు చేశారు.