పుట్లూరు: 60 మద్యం బాటిళ్లు స్వాధీనం

పుట్లూరు మండలం చింతకుంట గ్రామ సమీపంలో సోమవారం 60 మద్యం బాటిళ్లను స్వాధీనం చేసుకున్నామని ఎక్సైజ్ సీఐ నాయుడు తెలిపారు. యల్లనూరు మండలం బుక్కాపురానికి చెందిన గోపాల్ అక్రమంగా మద్యం తరలిస్తున్నాడన్న సమాచారం మేరకు సిబ్బందితో కలిసి చింతకుంట క్రాస్ వద్ద కాపు కాచామన్నారు. అటుగా వచ్చిన గోపాల్ ను తనిఖీ చేసి మద్యం బాటిళ్లతో పాటు ద్విచక్రవాహనం స్వాధీనం చేసుకున్నామన్నారు. గోపాల్ పై కేసు నమోదు చేసినట్లు సీఐ చెప్పారు.