బుచ్చయ్యపేట: ఘనంగా ధ్వజస్తంభ ప్రతిష్ట మహోత్సవం

బుచ్చయ్యపేట మండలంలోని బంగారు మెట్టలోని కాశీ అన్నపూర్ణ విశ్వేశ్వర స్వామి ఆలయంలో ఆదివారం ధ్వజస్తంభ ప్రతిష్ట మహోత్సవం వైభవంగా జరిగింది. అర్చకులు రవికృష్ణ, ప్రమోద్ సూర్యనారాయణల ఆధ్వర్యంలో హోమం నిర్వహించి ఆగమ శాస్త్రం ప్రకారం శాస్త్రోక్తంగా ధ్వజస్తంభ ప్రతిష్ట చేశారు. పరిసర గ్రామాల నుండి భక్తులు అధిక సంఖ్యలో తరలివచ్చి స్వామివారికి పూజలు జరిపారు. ఆలయ కమిటీ సభ్యులు భక్తులకు ప్రసాద వితరణ చేశారు.