నేడు తొలిసారి ఎంపీగా ప్రమాణ స్వీకారం చేయనున్న ప్రియాంక గాంధీ

నేడు పార్లమెంట్‌లో కాంగ్రెస్ అగ్రనాయకురాలు ప్రియాంక గాంధీ వాద్రా ఎంపీగా తొలిసారి ప్రమాణస్వీకారం చేయనున్నారు. వయనాడ్ లోక్‌సభ నియోజకవర్గానికి జరిగిన ఉపఎన్నికలో ప్రియాంక గాంధీ ఘన విజయం సాధించిన విషయం తెలిసిందే. దాదాపు 4 లక్షలకుపైగా ఓట్ల మెజార్టీతో ఆమె గెలుపొందారు. ఇక నాందేడ్ లోక్‌సభ ఉప ఎన్నికలో రవీంద్ర వసంతరావు చవాన్‌ గెలిచారు. ఇవాళ ప్రియాంకతో పాటు వసంతరావు కూడా ఎంపీగా ప్రమాణస్వీకారం చేయనున్నారు.