జాక్‌పాట్‌ అంటే ఇదే.. లాటరీలో రూ.1800 కోట్లు

బ్రిటన్‌‌కు చెందిన ఓ వ్యక్తి జాక్‌పాట్ కొట్టాడు. నేషనల్‌ లాటరీ టికెట్‌ను కొన్న ఓ వ్యక్తి ఏకంగా 177 మిలియన్‌ పౌండ్లు (సుమారు రూ.1800 కోట్లు)ను గెలుచుకున్నారు. యూకేలోనే మూడో అతిపెద్ద లాటరీ ప్రైజ్‌మనీ ఇదేనని అక్కడి మీడియా కథనాలు పేర్కొన్నాయి. లాటరీ నిర్వాహకులు మంగళవారం డ్రా తీయగా 07, 11, 25, 31, 40 నంబరు టికెట్‌కు జాక్‌పాట్‌ దక్కినట్లు ప్రకటించారు. విజేత వివరాలను గోప్యంగా ఉంచారు.