పాపన్నపేట: వన దుర్గామాత ఆలయంలో ఆకాశదీపం

మెదక్ జిల్లా పాపన్నపేట మండలం ఏడుపాయల వన దుర్గ మాత ఆలయం ఆవరణలో శనివారం సాయంత్రం కార్తీక దీపోత్సవం కార్యక్రమం ఘనంగా నిర్వహించారు. ఈ సందర్భంగా ఆలయ ప్రధాన అర్చకులు శంకర్ శర్మ ఆధ్వర్యంలో ఆకాశదీపం వెలిగించి ఆవిష్కరించారు. అంతకు ముందు అమ్మవారికి ప్రదోషకాల పూజలను రుత్వికులు నిర్వహించారు. అనంతరం కార్తీక దీపాలంకరణ మహోత్సవం నిర్వహించారు. ఈ కార్యక్రమంలో ఆలయ నిర్వాహకులు, భక్తులు తదితరులు పాల్గొన్నారు.