బెల్లంపల్లి: ప్రజల సౌకర్యార్థం బస్ స్టాప్ ఏర్పాటు

బెల్లంపల్లి పట్టణంతో పాటు చుట్టుపక్కల మండలాల ప్రజల సౌకర్యార్థం 100 పడకల ఆసుపత్రి వద్ద బస్ స్టాప్ ను ఏర్పాటు చేసినట్లు బెల్లంపల్లి ఎమ్మెల్యే గడ్డం వినోద్ తెలిపారు. శుక్రవారం ఆయన వంద పడకల దవాఖాన వద్ద బస్ స్టాప్ ను ప్రారంభించి మాట్లాడారు. వంద పడకల ఆసుపత్రికి వచ్చే ప్రజలు ప్రతిరోజు ప్రైవేట్ వాహనాలను ఆశ్రయించి ఆర్థికంగా నష్టపోతున్నారని గమనించి ఈ కార్యక్రమాన్ని చేపట్టినట్లు పేర్కొన్నారు.