రెబ్బెన: రైతులకు రోడ్డు సౌకర్యం కల్పించాలి

రెబ్బెన మండలం గంగాపూర్ 1వ వార్డు ఇంటి నుంచి వాగు, పొలాలకు పోయే రోడ్డు అధ్వానంగా మారిందని గ్రామస్థులు వాపోయారు. ప్రతిరోజూ బురద రోడ్డుతో ఇబ్బందులు ఎదుర్కొంటున్నారు. ఈ రోడ్డు గుండా నిత్యం 200 మంది రైతులు ఎడ్ల బండ్లతో వెళుతారని కాంగ్రెస్ పార్టీ గ్రామ అధ్యక్షులు వినోద్ కుమార్ అన్నారు. గ్రామస్థులకు సరైన రోడ్డు సౌకర్యం కల్పించాలని కాంగ్రెస్ పార్టీ సీనియర్ అధ్యక్షులు గంగయ్య, గ్రామస్థులు కోరారు.