ఆంజనేయ స్వామి గుడిలో ప్లెక్సీలు, కాషాయ జెండాలు దగ్ధం

ఎల్లారెడ్డి సెగ్మెంట్ లింగంపేట్ మండల కేంద్రంలోని జంబి హనుమాన్ ఆలయంలో ఉన్న ఫ్లెక్సీలు, కాషాయ జెండాలను ఆదివారం రాత్రి గుర్తు తెలియని వ్యక్తులు నిప్పంటించి దగ్ధం చేసిన విషయం ఉదయం వెలుగు చూసింది. దీంతో మండల కేంద్రంలో ఉద్రిక్త పరిస్థితులు నెలకొన్నాయి. ఓ వర్గానికి చెందిన వ్యక్తుల పనేనని అనుమానిస్తూ, బాధ్యులపై కఠిన చర్యలు తీసుకోవాలని స్థానికులు పోలీసులకు ఫిర్యాదు చేశారు. పోలీసులు ముందస్తు చర్యలు చేపట్టారు.