మల్కాజిగిరిలో రైలు నుంచి గంజాయి సంచులతో పట్టుబడ్డ వ్యక్తి

హైదరాబాద్ మల్కాజిగిరిలో రైలు నుంచి సంచులతో దిగిన రాజమండ్రికి చెందిన ఎస్.కె అహ్మద్ అలీ గంజాయి సంచులతో శుక్రవారం పట్టుబడ్డాడు. నిందితుడి నుంచి 17. 22 కేజీల గంజాయిని ఎక్సైజ్ ఎస్టీఎఫ్ పోలీసులు సీజ్ చేశారు. ధూల్ పెట్ కు చెందిన రాహుల్ సింగ్ కు ఇవ్వడానికి నిందితుడు వచ్చినట్లుగా తెలుస్తోంది. నిందితుడు ఎస్.కె హమాదాలిని ఎక్సైజ్ పోలీసులు అదుపులోకి తీసుకొని రిమాండ్ కు తరలించారు.