హైదరాబాద్ లో సదర్ సయ్యాట.. నేడు ధూం.. ధాం..!
సదరు హైదరాబాద్ ముస్తాబైంది. శుక్రవారం సా. 6 గంటల నుంచి అర్ధరాత్రి వరకు నగర వీధుల్లో దున్నరాజుల భారీ ప్రదర్శనకు ఏర్పాట్లు చేశారు. 'బహుబలి' (హరియాణా)దున్నరాజు ఈ ఏడాది ప్రత్యేక ఆకర్షణగా నిలవనుంది. రాత్రి నారాయణగూడ సెంటర్కు నగర నలువైపుల నుంచి యాదవ సోదరులు వేలాదిగా తరలివస్తారు. వైఎంసిఏ లో జరిగే ఈ వేడుకను హైదరాబాదీలు పెద్ద సదర్గా పిలుచుకుంటారు. అధికారికంగా సదర్ అని ప్రభుత్వం ప్రకటించడంతో అంచనాలు మరింత పెంచింది.
