చార్మినార్: టౌన్ ప్లానింగ్ అధికారులతో ఎమ్మెల్సీ సమీక్ష

పాతబస్తీ పరిధిలో అభివృద్ధి పనులను వేగవంతం చేయాలని ఎమ్మెల్సీ మీర్జా రేహ్మత్ బెగ్ ఆదేశించారు. శుక్రవారం చార్మినార్ జోన్ పరిధిలోని టౌన్ ప్లానింగ్ అధికారులతో ఎమ్మెల్సీ సమీక్ష నిర్వహించారు. ఈ సందర్భంగా పలు సూచనలు చేశారు. పెండింగ్ పనులను త్వరగా ప్రారంభించాలని, సకాలంలో అభివృద్ది పనులు పూర్తయ్యేలా చూడాలన్నారు. అలాగే ప్రజల నుంచి వచ్చే ఫిర్యాదులను ఎప్పటికప్పుడు పరిష్కరించాలని అధికారులకు ఎమ్మెల్సీ సూచించారు.