ఏఎన్నార్‌ అవార్డు వేడుకపై పోస్ట్‌లు పెట్టిన అమితాబ్‌

ఏఎన్నార్‌ జాతీయ అవార్డుల ప్రధానోత్సవ కార్యక్రమానికి బాలీవుడ్ స్టార్ అమితాబ్ బచ్చన్ ముఖ్య అతిథిగా పాల్గొన్నారు. మెగాస్టార్ చిరంజీవికి ఏఎన్నార్‌ అవార్డుని బిగ్‌బీ అందించారు. తాజాగా దీనిపై అమితాబ్ స్పెషల్ పోస్ట్ పెట్టారు. చిరుకు అవార్డు అందించడం చాలా సంతోషంగా, గర్వంగా ఉందని తెలిపారు. ఇంత గొప్ప వేడుకలో తనను భాగం చేసినందుకు ధన్యవాదాలు చెప్పారు. ఈ మేరకు చిరు, నాగార్జునలతో దిగిన ఫొటోను పంచుకున్నారు.