నిర్మల్: పాఠశాల వద్ద విద్యార్థి బంధువుల ఆందోళన

నిర్మల్ ఎంజెపీ పాఠశాలలో 9వ తరగతి చదువుతున్న ఫయాజ్ హుస్సేన్ విద్యార్థి వాలీబాల్ ఆడుతూ అస్వస్థతకు గురై మృతి చెందాడు. తమ కుమారుని మృతి పట్ల అనుమానాలు ఉన్నాయని తమకు న్యాయం చేయాలని మంగళవారం పాఠశాల వద్ద విద్యార్థి తల్లిదండ్రులు, బంధువులు, గ్రామస్థులు ఆందోళన చేపట్టారు. పాఠశాల ప్రిన్సిపాల్, ఉపాధ్యాయులతో వాగ్వాదానికి దిగారు. పట్టణ సీఐ ప్రవీణ్ కుమార్ అక్కడికి చేరుకుని ఆందోళనను సర్దుమనిగేలా చేశారు.