తాంసి పోలీస్ స్టేషన్‌ను తనిఖీ చేసిన ఎస్పీ

తాంసి పోలీస్ స్టేషన్‌ను ఎస్పీ గౌష్ ఆలం సోమవారం తనిఖీ చేశారు. ముందుగా స్టేషన్ ఆవరణలో మొక్కను నాటారు. అనంతరం పరిసరాలను పరిశీలిస్తూ పోలీస్ స్టేషన్‌ను ఎప్పటికప్పుడు పరిశుభ్రతతో ఉంచుకోవాలని సూచించారు.  పోలీస్ స్టేషన్‌లో రిసెప్షన్, లాకప్, రికార్డులు భద్రపరిచే గది, సిబ్బంది వేచి ఉండే ప్రదేశం, పోలీస్ స్టేషన్ ఆవరణ పరిశీలించి ఎస్‌ఐ శివరామ్ నాయక్‌కు సూచనలు చేశారు. ఆయనతో పాటు డీఎస్పీ జీవన్ రెడ్డి ఉన్నారు.