ఘనంగా భగత్ సింగ్ జయంతి వేడుకలు

ఆదిలాబాద్ జిల్లా బోధన్ మండల కేంద్రంలో ఆదివారం భగత్ సింగ్ 113వ జయంతి వేడుకలు తెలంగాణ విద్యార్థి పరిషత్ ఆదిలాబాద్ జిల్లా కమిటీ ఆధ్వర్యంలో ఘనంగా నిర్వహించారు. ఈ సందర్భంగా టీజీవీపీ జిల్లా కన్వీనర్ కొట్టూరి ప్రవీణ్ మాట్లాడుతూ భగత్ సింగ్ ను యువత ఆదర్శంగా తీసుకోవాలని అన్నారు. తన చిన్న వయసులోనే దేశంకోసం ప్రాణాలర్పించిన భగత్ సింగ్ తో పాటు వారి స్నేహితులు రాజ్గురు సుఖ్దేవ్ మహనీయులను యువత ఆదర్శంగా తీసుకోవాలని సూచించారు. ఈ కార్యక్రమంలో సర్పంచ్ గొల్ల సురేందర్ యాదవ్, కాలనీ వాసులు కరిపే శ్రీనివాస్, గొల్ల నరేందర్, గాండ్ల లక్ష్మణ్, అనిల్, నిఖిల్, సన్నీ, టీజీవీపీ నాయకులు పాల్గొన్నారు.