బల్దియా కార్యాలయంలో ఘనంగా బతుకమ్మ వేడుకలు

ఆదిలాబాద్ బల్దియా ఆధ్వర్యంలో బతుకమ్మ సంబరాలు గురువారం రాత్రి నిర్వహించారు. పట్టణంలోని కార్యాలయ ప్రాంగణంలో నిర్వహించిన వేడుకల్లో మున్సిపల్ సిబ్బంది, ఉద్యోగులు తీరొక్క పూలతో పేర్చిన బతుకమ్మల చుట్టూ ఆడి పాడారు. ముందుగా బతుకమ్మకు పూజలు చేశారు. ఈ సందర్భంగా బతుకమ్మ పాటలపై మహిళలు ఉత్సాహంగా నృత్యాలు చేశారు. మున్సిపల్ కమిషనర్ ఖమర్, కౌన్సిలర్ కలాల శ్రీనివాస్, మెప్మా టిఎంసి భాగ్యలక్ష్మి, తదితరులున్నారు.