నాలుగు రోజుల్లో 14 లక్షల లడ్డూల విక్రయం: టీటీడీ

తిరుమల శ్రీవారి లడ్డూ వివాదం ప్రసాద విక్రయాలపై ఎలాంటి ప్రభావం చూపలేదని టీటీడీ అధికారులు తాజాగా స్పష్టం చేశారు. గడిచిన నాలుగు రోజుల్లో మొత్తం 14 లక్షల లడ్డూలు విక్రయించినట్లు వెల్లడించారు. ఈ నెల 19న మొత్తం 3.59 లక్షల లడ్డూలు అమ్ముడయ్యాయి. సెప్టెంబర్‌ 20వ తేదీన 3.17 లక్షలు, సెప్టెంబర్‌ 21న 3.67 లక్షలు, సెప్టెంబర్‌ 22న 3.60 లక్షల లడ్డూలు అమ్ముడైనట్లు తెలిపారు. సగటున రోజుకు 3.50 లక్షల లడ్డూలు విక్రయించామని పేర్కొన్నారు.