சாத்துார்: பட்டாசு கடையில் கிப்ட் பாக்ஸ் தயாரித்தவர் கைது...

சாத்துார் அருகே பட்டாசு கடையில் கிப்ட் பாக்ஸ் தயார் செய்தவர் கைது. பட்டாசுகள் பறிமுதல்.
விருதுநகர் மாவட்டம்,
சாத்துார் அருகே உள்ள முத்தால் நாயக்கன்பட்டியில் குமரேசன் என்பவர் அக்னீஸ்வரன் என்ற பெயரில் பட்டாசு கடை இயங்கி வருகிறது. இந்த பட்டாசு கடையின் அருகே உள்ள காலி மனையில் தகர செட் அமைத்து சட்டவிரோதமாக கிப்ட் பாக்ஸ் மற்றும் பட்டாசுகள் தயார் செய்து இருப்பு இருப்பதாக காவல் நிலையத்திற்கு தகவல் கிடைத்தன. மேற்படி தகவலின் பேரில் சார்பு ஆய்வாளர் கேசவன் தலைமையில் போலீஸார் சம்பவ இடத்திற்கு நேரில் சென்று சோதனை செய்தனர். சோதனையில் சட்டவிரோதமாக தகர செட் அமைத்து பட்டாசுகள் தயார் செய்து இருப்பு இருந்ததை கண்டறியப்பட்டன. மேலும் பட்டாசுகளை பறிமுதல் செய்த போலீஸார் சாத்துார் நகர் காவல் நிலையத்தில் குமரேசன் மீது வழக்கு பதிவு செய்து கைது செய்து விசாரணை நடத்தி வருகின்றனர்.